Cydlynwr anghenion dysgu ychwanegol ysgol Hafodwenog yw Mrs Carys Davies
Gweler ein hadran polisïau i ddarllen ein Polisi ADY.
Trwy gynllunio cwricwlwm gwahaniaethol sicrhawn fod yr holl ddisgyblion yn derbyn gweithgareddau addas at eu gallu. Bydd arsylwi cyson yn galluogi’r athrawon i baratoi gweithgareddau addas i unigolion sydd ag anghenion dysgu ychwanegol. Bydd y gweithgareddau yn gymorth i rai disgyblion gyrraedd y nodau dymunol a byddant yn ymestyn eraill i’w llawn botensial.
Weithiau bydd rhai disgyblion yn wynebu problemau mwy dwys na’r cyffredin, lle bydd angen cymorth ychwanegol arnynt. Os gwelwn fod angen cymorth ychwanegol bydd yr ysgol yn cysylltu â’r rhieni/gwarcheidwaid trwy lythyr neu alwad ffôn a chynnig cyfle iddynt drafod yr anghenion a’r gwersi ychwanegol â’r ALNCo (Arweinydd Anghenion Dysgu Ychwanegol). Os bydd angen datganiad Anghenion Dysgu Ychwanegol ar unrhyw ddisgybl bydd yr ysgol yn cadw cysylltiad agos â’r rhieni ac yn cydweithio â hwy a’r asiantaethau allanol.
Gwybodaeth am y bil ADY newydd
Deddf Anghenion Dysgu Ychwanegol a’r Tribiwnlys Addysg (ALNET 2018)
Mae’r system ar gyfer cefnogi plant a phobl ifanc ag anghenion addysgol arbennig ac anabledd yng Nghymru yn newid. Mae Llywodraeth Cymru yn cyflwyno system fwy hyblyg ac ymatebol i ddiwallu anghenion plant ag anghenion addysgol arbennig neu anableddau.
Bydd y system newydd yn sicrhau:
- Caiff anghenion eu nodi’n gynnar, rhoddir sylw iddynt yn gyflym a chaiff pob dysgwr ei gefnogi i gyrraedd ei botensial.
- Mae ein gweithwyr proffesiynol yn fedrus ac yn hyderus wrth nodi anghenion a defnyddio strategaethau i helpu dysgwyr.
- Mae’r dysgwr yn ganolog i bopeth a wnawn ac maen nhw a’u rhieni a’u gofalwyr yn bartneriaid cyfartal yn eu dysgu. Gelwir hyn yn Ddull sy’n Canolbwyntio ar yr Unigolyn.
Bydd y system newydd yn cael ei chyflwyno’n raddol dros yr ychydig flynyddoedd nesaf (2021 -2024) yn unol â chanllawiau Llywodraeth Cymru. Dyma rai o’r negeseuon allweddol am y newidiadau hyn a’r hyn y gallent ei olygu i chi a’ch plentyn.
- Mae system raddedig bresennol y Blynyddoedd Cynnar/Gweithredu gan yr Ysgol, y Blynyddoedd Cynnar/Gweithredu gan yr Ysgol a Mwy a Datganiadau yn cael ei disodli dros y 3 blynedd nesaf. Bydd gan bob plentyn a pherson ifanc sydd ag angen dysgu ychwanegol (ADY) sydd angen darpariaeth ddysgu ychwanegol (ADP) Gynllun Datblygu Unigol (CDU). Bydd y CDU yn disodli Cynlluniau Addysg Unigol (CAU) a Datganiadau.
- Yr ysgol fydd yn gyfrifol am y rhan fwyaf o Gynlluniau Datblygu Unigol ond mewn rhai amgylchiadau, efallai y byddant yn cael eu cynnal gan yr Awdurdod Lleol. Awdurdodau lleol fydd yn gyfrifol am CDUau ar gyfer plant o dan oedran ysgol gorfodol, y mae eu hangen arnynt, er enghraifft yn y blynyddoedd cynnar.
- Mae’r Ddeddf yn disgwyl bod pawb sy’n ymwneud â’ch plentyn e.e. Bydd lleoliadau gofal plant, Addysg, Iechyd a Gofal Cymdeithasol yn cydweithio i gefnogi plant a phobl ifanc ag ADY.
- Bydd mwy o gyfleoedd i blant, pobl ifanc, rhieni a gofalwyr gyfrannu at Gynlluniau Datblygu Unigol.
- Disgwylir y dylai cydweithio’n agosach helpu i osgoi anghytundebau
- Cymerir pob cam rhesymol i sicrhau darpariaeth ddysgu ychwanegol yn Gymraeg, os bydd angen.
